ëxa' ja ääw ayuujk, Mixe a español

Posted By admin On Friday, 20 July 2007

jantsy nekëm ku ja tunk wyënkaxi'iky, nekëm ku ja putëjkën nyaxy, ëxä meets x'ejxt ja myëtuúk tunk miti këjxp uk miti tsoo'ntäkp.

yä meets x'ëxä'ät ja ayuujk jëts xnëjäwëtët sä yik tijy amëxän uk inglés, nayte'n ti ayuujk jate'n yik tejp.

ejxtë kowtë, mä y'ëyë uk mä kya'ëyë. wan nëtuki'iyë atëm tyik ëë'ya'am ja jaaky ja käjpxk.

Diccionario: mixe a español

Të ja jemy kyutunk yik pëktä’äktë 2008

Posted By admin On Monday, 16 July 2007

Yä xaamkijxy ojts ja käjpxën matyääjkën tyunyë, mä ojts ja pujx ja käjp nëtuki’iyë nyamyukyëtë, jëts ojts tkäjpxtë jëts ojts tmatyä’äktë pën tsyojktëp jëts kyutunk’ätt yä’ät jumëjt miti wënkomp 2008. pën jakam tsënaatyëp nayte’n meets mpäätyë jëts xnëjäwëtët pën atëm nkutunk’äjtyëm.

Yä’ät jumëjt të waanë tyëkatsy, ku ijty, tëkëk jumëjt tuktënyë ja kutunk yik mätstë, jëts ëxäm wënjumëjt ja kutunk yik wë’ejxwä’äntë .

 Tlahuitoltepec mixes, Oaxaca
Presidente: Palemón    Vargas Hernández.
Síndico:    Cenobio Vásquez.
Tesorera: Patricia López Delgado.
Regidor de haciendo: Ignacio
Presidente de bienes comunales: Juan Gutiérrez.
Consejo de vigilancia: Eleazar Jiménez.
Comité de banda municipal: Gregorio Gallardo.
Comité del CECAM: Eucario Hernandez.

 

 

 Yä’ät ääw ayuuj kyejxypy ja nmëku’uk Odilón Vargas.

Páginas