Yin Et

ja majää'tyëjktë ku tnëmatyä'äktë sä ojts tsyoo'ntä'äky ja jujky'äjtën, nëmp wyä'äntë ku ijty kyäjpxtë nëtuki'iyë ja jëyujk, ¨sä meets x'uk ejxt.

yi nëjää'wëntë jate'n yë' jate'n yi ejtp säm ja nëëj t'ijxy jëts nukë tajäjnäjxp, tëkäjts ejtp jëts ejtp tyuu'yë'ëty. 

 yi tuu'nën yi pëjkën, ejtp yi tsyëkyë yikxon ntuny nukë nekëm jëts taxontä'äkyëm, wënjaawëntsojk, japom, japom, säm yjäwë ëxäm jatuk'oojkyë njaak tuny.

ku yi et näxwii'nyët nyaxy, njaak tsojk'atitsypy ëjts ku nputëkët nukë tsuj jëts nukë ëy, nëtuki'iyë ja nmëku'uk.

yi tsuj tsënää'yën nëjää'wën ka' yë yik pääty jajp nëkyjëtypy yi anmajää'wën yë' ne'ekë nyëjää'wëp, jëts jate'nëte'n yë' yik pääty säm ja et nukë tsuj jëts nekëm xyiijnyë . 

ku ëjts mpamay, jate'n njäwë säm jyäwë yi n'anmajää'wën tsyapëti'iky, jëts ku tu'uk nyik apäätë ja putëjkën yi n'anmajää'wën nukë tsuj nukë nekëm tsyapëti'iky.

          Misael Godoy Booth.

ku ja xëëw tyunyë, nëtuki'iyë ja käjp tyuntë pyëktë jëtsa xëëw tsuj pyëtsë'mt, jëtsa wenk käjptë pën ats mentëp ats jä'tëp tsuj t'atsyiknäxtët. ja ajtsën, ja xontääjkën, ja uujkën ja pëjkën, ja namyëkäjpxë ja namyëxe'ekë ja' ja xëëw yiktsujëp, jëts ku ja wenk kajp wyëmpetë kyäjpkëjxp tsuj  tnëmatyä'äktë ja  xëëw.  säm  ëxä n'ejxënt ja awënäx, yikxon ja ajtspë xyontä'äktë ku ja suun wyënä'äny jëts ku may ja jää'y y'a'ejxukyëtë. Yä't xëëw jam yë' miti ja käjp xyëëw tuknëë'm (Tamazulapan Espiritu Santo Mixes).